2015 – ukioq nutaanik Naalakkersuisoqalerfik, ukiorlu 2016-imi isumaqatigiinniarnissanut piareersarfissarput

Ilaasortaasusi tamassi ukiortaami pilluaritsi.

Periarfissaq una atorlugu ilaasortagut tamaasa ukiumi qaangiuttumi qutsavigerusuppakka. Qujaniarnera nalliuttunissaaq sulisimasunut tunngatippara. Nalliuttut nalaanni ilaquttannik uninngasoqarnerani, suleqatit nalliuttuni sulisut inissaqartitsisut paasinnittullu tulluusimaarutigaakka.

Nutaanik Naalakkersuisoqalerluta, nutaanik Naalakkersuisooqatigeeqalerluta, nutaamik Naalakkersuisoqalerluta politikkikkullu nutaanik anguniagassaqalerluta, 2015 aallartipparput. Peqqissaasut Kattuffiata Inatsisartunngortut Naalakkersuisunngortullu qinerneqarneranni pilluaqquai, suleqatigiinnissarlu qilanaaralugu.

Kalaallit Nunaanni Nakorsat Peqatigiiffiat suleqatigalugu Peqqissaasut Kattuffiata Naalakkersuisunngortoq ilisareqatigiinnissamut qaaqquaat. Naalakkersuisunngorlaaq suleqatigiinnissamut peqatiserineqassaaq, siunnersioqatigisartagaasinnaanerput atorsinnaasanillu ilisimasaqarfiunerput ilisimassavaa.

Nunatta aningaasaqarniarnera ilungersunartumik inissisimammat nukiit pitsaasut ataatsimoortinnissaat ataatsimoorlunilu kivitsinissaq pingaaruteqarpoq. Akisussaassuseqartumik ingerlatsinissaq pisariaqarpoq.

Ukioq 2015 tassaavortaaq 2016-imi isumaqatigiinniarnissanut piareersarnerup aallarnerfissaa. Marsip naggataani 2015 Peqqissaasut Kattuffiat 2016-imi isumaqatigiinniarnerni kissaatinut/piumasaqaatinut immersugassamik, maajip naggataani 2015 utertinneqareersimasussamik, nassiussissaaq.

Ilissi isummasi naapertorlugit 2016-imi isumaqatigiinniarnerni suut pingaarnerutinnissaat eqqarsaatersuutigisigik.

 

Inuuti Fleischer

Siulittaasoq